Համալիր-
Կառույց

WTC Երևանը ձևավորում է Երևանի ճարտարապետական նոր ուղենիշը՝ շարունակելով Ալեքսանդր Թամանյանի քաղաքաշինական տեսլականը և նորովի իմաստավորելով «Այգիների քաղաք» գաղափարը:

Կառույցի բարձրահարկ ծավալը ձևավորվում է կրկնակի, ուղղաձիգ կառույցներով, որոնց միջև առաջանում է լուսային և տարածական «ճեղք»՝ ապահովելով տեսողական թեթևություն և կանաչապատ կասկադային այգիների վերտիկալ շարունակական զարգացում։ Այս մոտեցումը ակնարկ է Թամանյանական «Այգիների քաղաք» գաղափարին՝ կանաչ այգիները ներառելով ոչ միայն ստորին հարկերի մակարդակում, այլև շենքի ամբողջ բարձրությամբ՝ միաձուլելով ճարտարապետությունն ու բնությունը:

WTC Երևանի շինության ասիմետրիկ վերնամասը քաղաքի համայնապատկերում ձևավորում է յուրահատուկ ուրվագիծ՝ հիշեցնելով Արարատ լեռը։

Ընտրեք ցանկացած հատված և դիտեք, թե ինչպես են երկու աշտարակներում տեղակայված գրասենյակները, այգիները, հյուրանոցը, բնակարանները և սպասարկման տարածքները։

WTC Երևանը ստեղծում է նոր միջավայր հավակնոտ բիզնեսների համար՝ քաղաքի սրտում մեկտեղելով ժամանակակից աշխատավայրերը, միջազգային կապերն ու դինամիկ գործարար էկոհամակարգը` ապահովելով միջավայր, որտեղ ընկերությունները կարող են զարգանալ, նոր կապեր ստեղծել և հատել Հայաստանի սահմանները:

WTC Երևանի սրտում կգործի ժամանակակից MICE կենտրոն, որը նոր հնարավորություններ կստեղծի Երևանի գործարար և միջազգային միջոցառումների ոլորտում։ Այստեղ հնարավոր կլինի անցկացնել ինչպես փոքր և մտերմիկ հանդիպումներ, այնպես էլ խոշոր միջազգային համաժողովներ, ցուցահանդեսներ և այլ ձևաչափերի միջոցառումներ։ Ֆունկցիոնալությունն ու ճկունությունը համադրող MICE կենտրոնը կընդգրկի ավելի քան 9,000 քմ տարածք՝ տարբեր մասշտաբի և ձևաչափի միջոցառումների կազմակերպման համար։

MICE կենտրոնը կնպաստի Երևանի դիրքավորմանը որպես տարածաշրջանային առաջատար MICE ուղղություն՝ նպաստելով միջազգային այցելուների, նոր միջոցառումների և տնտեսական նոր հնարավորությունների աճին։